Çempionlar Liqasının 5-ci turunda keçirilən "Nordşelland" – "Şaxtyor" matçında qonaq komandanın futbolçusu "feir-pley"ə əməl etməyib.
Korner.az-ın məlumatına görə, Donetsk təmsilçisinin futbolçusu Villian topu meydanın “Nordşelland” tərəfinə atıb. Onun komanda yoldaşı Luis Adriano isə topun arxasınca qaçaraq qol vurub.
Bu qoldan sonra hesab bərabərləşib. Lakin 3 dəqiqə sonra Danimarka təmsilçisinin oyunçusu Kasper Lorentsen yenidən “Nordşelland”ı hesabda irəli çıxarıb. Sonradan “Şaxtyor” ardıcıl 4 qol vuraraq, qələbəyə nail olub – 5:2.
