İspaniya La Liqasının 18-ci turu çərçivəsində bu gün "Real Sosyedad"la öz meydanında qarşılaşan "Real" (Madrid) klubunun baş məşqçisi Joze Mourinyo "Kral klubu"nun əsas qapıçısı İker Kailyası yenə ehtiyatda saxladı.
Korner.az-ın məlumatına görə, portuqaliyalı çalışdırıcı buna rəğmən məcburiyyət qarşısında Kasilyası meydana buraxmalı olub.
Belə ki, matçın 6-cı dəqiqəsində Ada rəqib futbolçuya qarşı bilərəkdən kobud oynayaraq meydandan qovulub. Bundan sonra Mourinyo Kasilyası meydana buraxıb.
Kasilyasın yoxluğunda "Real"ı meydana kapitan kimi çıxaran Kriştianu Ronaldo sarğını İspaniyanın "bir nömrə"sinə versə də, İker bunu rədd edib. Oyun boyu isə Kasilyas çox məyus görünüb.
Sözügedən hərəkət ispan mətbuatında manşetləri bəzəyib.
Qeyd edək ki, Madrid “Real”ı bu qarşılaşmada 4:3 hesabı ilə qalib gəlib.
