“Sabahkı oyunda məğlub komanda olmayacaq” – Qarayev
26.05.2021 , 16:20
Azərbaycan milli komandasının futbolçusu Qara Qarayev sabah Türkiyə ilə qarşılaşacaqları yoxlama oyunundan əvvəl fikirlərini bildirib.
Korner.az xəbər verir ki, futbolçu bunları deyib:
“Burada olmaq bizi sevindirir. Türkiyə ilə görüş bizim üçün xüsusi əhəmiyyət kəsb edir. Nəticədən asılı olmayaraq, sabahkı oyunda məğlub komanda olmayacaq. Arzu edirəm ki, ən yaxşı hazırlıq matçlarından biri olsun. Nəticəsi necə olursa-olsun, itirəcək bir şeyimiz yoxdur. Heyətdə zədəli futbolçumuzun olmaması müsbət haldır. Hər oyunda məqsədimiz qələbədir. Bizi maraqlı oyun gözləyir. Yoldaşlıq görüşləri seçmə mərhələ oyunlarına hazırlıq baxımından önəmlidi”.
Türkiyə – Azərbaycan matçı sabah, saat 21:00-da Alanyadakı “Oba” stadionunda keçiriləcək.
