Azərbaycan Premyer Liqasının XII turunda “Xəzər Lənkəran”a qalib gələn Bakının “İnter” klubu 4 seriyaya son qoyub.
Korner.az-ın PFL-in rəsmi saytına istinadən verdiyi məlumata görə, ardıcıl 5 heç-heçə edən paytaxt təmsilçisi VI turun sentyabrın 19-dakı matçında “Bakı”nı 7:0 hesabı ilə məğlub edib.
62 gündən sonra qələbə qazanan Kaxaber Sxadadzenin komandası son 4 qarşılaşmanı qolsuz bitirib. VII turun sentyabrın 27-dəki görüşündə AZAL-la heç-heçə edən (1:1) “İnter” 54 gündən sonra qollu matçın iştirakçısı olub.
Həmin oyunun 4-cü dəqiqəsində Kərim Diniyevin qoluna üzülən Səlahət Ağayev 4 “quru” matçdan sonra Fernando Qabrielin uzatma dəqiqələrində fərqlənməsinin qarşısını ala bilməyib. Beləliklə 535 “quru” dəqiqə keçirən qolkiper mövsümün rekorduna imza atıb.
Paytaxt təmsilçisinin özü AZAL-la oyunun 76-cı dəqiqəsindən sonra ilk dəfə qol vurub. Mikel Alvaronun həmin qolundan 384 dəqiqə sonra Junior Nildo fərqlənib.
