Tiflsidə kişi şahmatçıları arasında FİDE Qran Prisinin 3-cü mərhələsinin 7-ci turunun oyunları keçirilib.
Korner.az-ın məlumatına görə, hesabat turunda Şəhriyar Məmmədyarov Aleksandr Qrişşuku qara fiqurlarla məğlub edib.
Azərbaycanlı qrossmeyster dünyanın ilk 10 şahmatçısı sırasına daxil olan rusiyalıyla vəzir qambitini oynayıb. Məmmədyarov görüşün 63-cü gedişində rəqibini təslim olmağa məcbur edib.
Teymur Rəcəbov isə qaralarla Rüstəm Kasımcanovla xalları yarı bölüb.
Bu nəticələrdən sonra Rəcəbovun aktivində 4, Məmmədyarovun isə 3,5 xal var.
Rusiyalı Yevgeni Tomaşevski 7 turdan sonra liderliyini davam etdirir. Cari turda o, həmyerlisi Pyotr Svidlerlə xalları yarı bölərək, ümumi balansını 5-ə çatdırıb.(Fanat.Az)