Dünən Rusiya Premyer Liqasında "Rubin"in heyətondə debüt edən milli komandamızın futbolçusu Ruslan Abışov bu oyunla bağlı fikirlərini bölüşüb.
Korner.az-ın məlumatına görə, Kazan təmsilçisi səfərdə "Amkar"la heç-heçə (1:1) edib.
90 dəqiqə meydanda olan Abışov debütündən belə danışıb:
“Mən bu anı çox gözləyirdim. “Rubin”in heyətində debüt matçında komandamın qələbəyə nail olmasını istəyirdim. Amma təəssüf ki, belə alınmadı. Birinci hissədə biz çox yaxşı oynayırdıq, lakin ikinci yarıda “Amkar”ın təzyiqlərinə dözməyib, qol buraxdıq. Əlbəttə, hamımız matçın nəticəsindən narazıyıq və öz oyunumu isə təhlil etmək istəmirəm. Bunun üçün məşqçilər var".