Avropa Liqasının qrup mərhələsində “Neftçi”yə rəqib olacaq “Rubin“in azarkeşləri komandanın sentyabr ayı üçün ən yaxşı oyunçusunu seçməkdə çətinlik çəkirlər.
Korner.az-ın məlumatına görə, klubun rəsmi saytında və sosial şəbəkədəki səhifəsində bununla bağlı açılan sorğuda 5 futbolçunuin namizədliyi irəli sürülüb: Yeremenko (avqust ayının ən yaxşısı), Boketti, Gökdəniz Karadəniz və Salomon Rondon.
Sosial şəbəkədəki sorğuda Rondon irəlidədi. O, sentyabrda Milanda “İnter”ə qol vurub, Rostovda isə dubl edib.
Saytdakı sorğuda isə azacıq fərqlə Gökdəniz irəlidədi. Türk futbolçu “Partizan”a qol vurmaqla “Rubin”ə Avropa Liqasında əhəmiyyətli qələbə qazandırıb.
