Azərbaycan yığmasının kapitanı Rəşad Sadıqovun müsahibəsi
– Zədəniz nə yerdədi?
– Hələ bir şey demək olmaz. Bir az ağrılar var, görək, necə olacaq.
– Hər halda, milli ilə Moskvaya gəlmisiniz. Deməli, Rusiya ilə oyunda meydana çıxmaq ehtimalınız az deyil…
– İnşallah. Məşqçilərin qərarını gözləyirəm. Neçə gündür məşq eləmirəm. Moskvada hazırlıq yekunlaşan zamanı vəziyyətə aydınlıq gələcək.
– İzlədiyiniz Rusiya – Portuqaliya oyununu necə dəyərləndirərdiniz?
– Həmin qarşılaşmada Rusiya erkən qol vurub, müdafiədən oynadı və sonda qalib gəldi. Ancaq bizimlə matç tam fərqli olacaq. Burda rusiyalılar hücum edəcək. Rusiyanın Şimali İrlandiya, İsraillə oyunlarını diqqətlə təhlil edib, o cür hazırlaşmaq lazımdır. Çünki Portuqaliya ilə oyun bizim üçün göstərici deyil. Rusiyalılar həmin oyunda erkən qol vurub, müdafiəyə oturdular. Ancaq bizimlə matçda daha çox hücum edəcəklərindən, daha çox müdafiə olunacağımızdan fərqli oyun olacaq.
– Rusiyalıların yığmamızla oyundan öncə güclü rəqiblə matçda nəticə qazanmaları bizim üçün yaxşıdır, yoxsa pis?
– Bir az çətin olacaq.
– Yəni ruhdan düşməməliyik…
– Görək. İnşallah, yaxşı olar. Biz bura uduzmağa gəlməmişik. Bura xal dalınca gəlmişik.
apasport.az
