“Bu gün stadiona təkcə Qəbələdən deyil, Azerbaycanın hər yerindən azarkeş gəlmişdi. Bu fanatlar qarşısında məğlub olmaq ehtimalından çox narahat idim. Möhtəşəm dəstək verdilər və buna görə onlara minnətdaram”.
Korner.az-ın məlumatına görə, bu sözləri “Qəbələ”nin baş məşqçisi Roman Qriqorçuk deyib.
Avropa Liqasının II təsnifat mərhələsinin cavab görüşündə “Çukariçki”yə 2:0 hesabı ilə qalib gələn “Qəbələ” növbəti mərhələyə adlayıb.
Matçdan sonra mətbuat konfransı keçirən Qriqorçuk qələbəni belə şərh edib: “ İnanın, o cür dəstəyi hiss edəndə tüklərim biz-biz olurdu. Əlbəttə, güclənəcəyik. Sabahdan heyətə yeni oyunçu sifariş edə bilərik. Növbeti oyuna bir gün qalmışadək vaxtımız var və biz bu şansdan yararlanmağa çalışacağıq. Razıyam, ilk oyunda reqib daha çox qol vura bilərdi. Səfərdə özümüze yaraşmayan, hetta Çukariçkiden də zəif oynadıq. Dəməzdim ki, bu oyunda əla oynadıq, ancaq ilk oyundan fərqli olaraq bu matçda xarakter göstərdik və mən oyundan əvvəl də gördüm ki, futbolçularım qələbədən başqa heç nə haqda düşünmürler. Məmnuniyyətlə deyə bilərəm ki, bu gün meydanda mənim istədiyim komanda var idi. Səhvlərimiz oldu, ancaq əsas odur ki, meydanda komanda ruhu var idi. Qələbəmiz qanunauyğundur, burda hansısa bəxtdən danışmaq doğru deyil. Antonov tanıdığım, potensialına bələd olduğum futbolçudur. Lakin həm o, həm də komandadakı daha iki futbolçumuz uzun müddətdir meydana çıxa bilmirlər. Buna göre də Antonova maksimum şans verdim ki, əvvəlki formasını qaytarsın. Dayaq yarımmüdafieçi mövqeyində iki hücumameyilli oyunçuya – Qay ve Reşad Sadiqova şans verməyim rəqibi analiz etdikdən sonra qərar verdiyim taktiki gediş idi.
