“Qarabağ” mənimlə maraqlananda, onun haqqında məlumat topladım. Klubun layihəsi diqqətimi cəlb etdi”.
Korner.az-ın məlumatına görə, bu fikirləri “Qarabağ”ın yeni futbolçusu Reynaldo deyib.
Ağdam klubunun rəsmi saytına keçidi ilə bağlı fikirlərini bildirən 24 yaşlı braziliyalı oyunçudaha sonra bunları deyib:
“Qarabağ”ın daim avrokuboklarda oynamaq istəyi, hədəflərini bildikdən sonra onu seçdim. Klub funksionerləri ilə danışıb komandanın layihəsinin bir parçasına çevrilməyə razılıq verdim. Artıq Bakıdayam. Klubun çalışanları məni olduqca isti qarşıladı. Hiss olunur ki, burda tam başqa ab-hava hökm sürür. Bilirəm ki, “Qarabağ`ın cari mövsüm ən böyük hədəfi çempionluqdur. Turnir cədvəlinə baxdıqda, bunun heç də əlçatmaz olduğunu görürük. “Qarabağ”da uğur qazanmaq istəyirəm.
Komandam baxımlı, texnikalı futbol oynayır. Azarkeşlərə zövq verən futbol yaşatmağa çalışacağıq. İnanıram ki, mövsümün sonunda çempionluq sevinci yaşayacağıq”.
