Yeni mövsümə hazırlıqlarını Sloveniyada davam etdirən “Rəvan” dünən növbəti yoxlama oyununu keçirib.
Korner.az-ın klubun saytına istinadən yaydığı xəbərə görə, Ramil Əliyevin komandası Serbiyanın “Çukariçki” lubu ilə üz-üzə gəlib. Gərgin idman mübarizəsi şəraitində keçən oyunda “Rəvan” ərazi üstünlüyünə malik olsa da, hesabı xeyrinə dəyişə bilməyib. Əsas diqqəti müdafiəyə ayıran, fiziki gücə söykənən futbol sərgiləyən serblər sona qədər qapısının toxunulmazlığını qoruya bilib. Beləliklə, oyun 0:0 hesabı ilə başa çatıb.
Qeyd edək ki, “Rəvan” daha öncə Sloveniyanın “Almuniy” komandası ilə 1:1 hesablı bərabərə qalmışdı.
