"Sumqayıt" klubundan "Rəvan"a transfer olunan Ramil Həşimzadə keçidi ilə bağlı fikirlərini bölüşüb.
Korner.az-ın məlumatına görə, klubun rəsmi saytına danışan 21 yaşlı cinah yarımmüdafiəçisi "Rəvan”a uzun müddətə gəldiyini bildirib:
"Qarşıma konkret hədəf qoyan insanam. Bu üzdən konkret təkliflə müraciət edib konkret layihədən danışan "Rəvan” rəhbərliyinin təklifini müsbət dəyərləndirdim. Komandanın heyətində özümü göstərib daha böyük məqsədlərimə çatmaq istəyirəm.
Məsələn, əsas millidə forma geyinməyi çox arzulayıram. "Rəvan”da məni ciddi rəqabətin gözlədiyini bilirəm. Ancaq bu məni çəkindirmir. Əksinə, üzərimdə daha səylə çalışıb, artığına nail olmaq istəyirəm. Kluba qısa müddətə oynamaq üçün yox, uzunmüddətli perspektiv naminə gəlmişəm”.
