“Qəbələ” sıralarını daha iki yeni futbolçu ilə gücləndirib.
Korner.az-ın klubun rəsmi saytına istinadən verdiyi məlumata görə, Daniel Subotiç və Leonardo Da Silva ilə birillik müqavilə imzalanıb.
1989-cu il yanvarın 31-də keçmiş Yuqoslaviyada anadan olan Subotiç futbol həyatına vətəndaşı olduğu İsveçrədə – “Bazel” klubunda başlayıb. İlk peşəkar futbolçu müqaviləsini İngiltərənin “Portsmut” klubu ilə bağlayan hücumçu daha sonra “Zulte Varagen” (Belçika), “Qrosseto” (İtaliya), “Unversitato Kraiova” (Rumıniya), “Targu Mureş” (Rumıniya) və “Volın” (Ukrayna) kimi klublarda top qovub. Daniel “Qəbələ”də 31 nömrəli forma ilə çıxış edəcək.
1992-ci il martın 18-də Braziliyada anadan olan Leonardo peşəkar futbolçu karyerası boyunca “ENP” (Kipr) və “Metallurq” Donetsk (Ukrayna) klublarının şərəfini qoruyub. Yarımmüdafiəçi “Qəbələ”də 42 nömrəli forma ilə çıxış edəcək.
