“Qarabağ”ın kapitanı Rəşad Sadıqov dünənki “”Zalsburq” qalibiyyəti haqda fikirlərini bölüşüb.
Korner.az-ın məlumatına görə, o, bunları dilə gətirib:
“Özünüz də gördünüz ki, “Zalsburq” çox güclüdür. Həm sürətli, həm də texnikalı futbola üstünlük verirlər. Rəqibi düzgün analiz edib, yaxşı hazırlaşmışdıq. İkinci hissədə “Zalsburq”un bir neçə qol imkanı oldu. Azlıqda qalmaq planlarımız bir qədər pozdu. 10 nəfərlə qaldıqda müdafiədə olan boşluqları doldurmaq çətin olur. Ancaq şükürlər olsun ki, Admir Telinin qırmızı vərəqə alsa da, 15 dəqiqə sonra komanda yenidən özünü toparladı. Cəmi bir səhv buraxdıq ki, o da qolla nəticələndi. Yenə də qələbə qolunu vura bildik. İlk hissədən müdafiəyə daha çox fikir verirdik. Çünki belə rəqiblə oyunda müdafiə olunmasan da, onlar səni buna məcbur edir. “Zalsburq”un çox güclü hücum xətti var. Ancaq ikinci hissədə iki müdafiəyəmeyilli futbolçumuz Qara Qarayev və müdafiəçimiz Admir Telinin meydanda olmaması işimizi çətinləşdirdi və istədiyimiz kimi müdafiə oluna bilmədik”
Rəşad, həmçinin, Reynaldonun yoxluğu haqda da danışıb:
“Reynaldo “Qarabağ” üçün çox iş görür, komandanın aparıcı futbolçularından biridir. Ancaq son vaxtlar çox yaxşı formada olan Vüqar Nadirovumuz da var. Məncə, Vüqar Reynaldonu layiqincə əvəz edəcək. Rəqibin oyununa və gücünə artıq bələdik. Bilirik ki, nəyə qadirdirlər”
