UEFA Avropa Liqasının III təsnifat mərhələsinin cavab oyunu çərçivəsində səfərdə İsveçin “Hefle” klubuna qalib gələn “Qarabağ”ın baş məşqçisi Qurban Qurbanov oyundan sonra keçirilən mətbuat konfransında qələbəyə şərh verib.
Korner.az-ın məlumatına görə, pley-off”da da yaxşı oyun sərgiləyəcəklərini bildirib:
“Oyunumuz yaxşı alındı. İlk görüşdən sonra rəqibi yaxşı təhlil etmişdik. Düşünürəm ki, elə bu səbəbdən də oyunumuz istədiyimiz kimi alınd. Burada öz oyunumuzu oynadıq. Topu özümüzdə saxlamağı bacardıq. Artıq “pley-off”dakı rəqibimizi gözləyirik. Bu mərhələdə də yaxşı oyun sərgilməyə çalışacağıq”.
Qeyd edək ki, “Qarabağ”ın “pley-off”dakı rəqibi bu gün Bakı vaxtı ilə saat 16:00-da bəlli olacaq.