Avropa Liqasında İsveçin "Hefle" klubunu sıradan çıxardan "Qarabağ" daha bir rekorda imza atıb.
Korner.az-ın məlumatına görə, qitə miqyaslı turnirlərdə ən çox qələbə qazanan, ən çox xal toplayan Azərbaycan klubu kimi rekordların müəllifi olan Ağdam təmsilçisi qol sayında da mütləq göstəriciyə imza atıb.
Belə ki, "Hefle" ilə cavab matçına kimi avrokuboklarda 39 qol vuran Qurban Qurbanovun yetirmələri daha iki qolla sayı 41-ə çatdırıblar.
Bununlada "Qarabağ" ən yaxın rəqibi olan, "Neftçi"ni (38 qol) qabaqlayıb.
Bundan başqa Ağdam təmsilçisi Avropa Liqasında bu mövsüm üçün ən yaxşı nəticə göstərən klublardan biridi. Belə ki, "Qarabağ" mübarizəyə I təsnifat mərhələsindən başlayan və 6 qarşılaşma keçirən komandalar arasında itkisiz irəliləyən 2 klubdan biridi. Təmsilçimizdən başqa Serbiyanın "Voyvodina" klubu top göstəricilərində geri qalır. Əgər serblər bu gün səfərdə "Bursaspor"a qalib gələ bilməsəydi ən yaxşı göstərici Avropa Liqasında "Qarabağ"ın adına keçəcəkdi.
Bununlada “Qarabağ” Avropa Liqasında cari mövsümün 2 ən yaxşı komandasından biridir.
Qeyd edək ki, “Qarabağ” 41 qoldan 38-ni UEFA kuboku/Avropa Liqasında, 1-ni Kuboklar kuboku, 2-ni İntertoto kubokunda vurub.
|
1
|
Voyvodina (Serbiya)
|
5
|
1
|
0
|
17-6
|
|
|
|
||||||
|
2
|
Qarabağ (Azərbaycan)
|
5
|
1
|
0
|
9-3
|
|
Səxavət QURBANOV
