Topaz Premyer Liqasının XVI turunda “Qarabağ” “Qəbələ”yə 1-2 hesabı ilə uduzdu.
Korner.az-ın məlumatına görə, “Qarabağ”ın baş məşqçisi Qurban Qurbanov oyundan sonra fikirlərini bildirib:
“Rəqib həddindən artıq istəkli idi. Məğlubiyyətimizə görə çox üzülmədim. Sözsüz, hər bir məğlubiyyət pis təsir edir. Amma rəqibin sevinci mənə məğlubiyyəti unutdurdu. “Qəbələ”də dostlarımız var. Burada futbol üçün işlər görülür. Avropa Liqasının “Qarabağ”a mənfi təsiri olmadı. Avropada nə qədər çox oynasaq, təcrübəmiz bir o qədər də artacaq”.
