“AZAL bizim üçün ağır rəqibdi. Həm ağır, həm də maraqlı oyun oldu”.
Korner.az-ın məlumatına görə, bu sözləri AZAL-la oyundan (2:1) sonra “Qarabağ”ın baş məşqçisi Qurban Qurbanov deyib.
Baş məşqçi rəqib komandanf tərifləyib: “Bundan əvvəlki matçlarda rəqibi məğlub edə bilməmişdik AZAL sona qədər döyüşən bir komandadı. Əks hücumda oynayan komanda istənilən rəqibi cəzalandırmaq olar. AZAL hesabda geridə olmasına baxmayaraq, istəyindən vaz keçmədi, sona qədər mübarizə apardı. Son 20-25 dəqiqədə rəqib tempi aşağı saldı. Bizim üçün vacib üç xal qazandıq. Komanda hələ tam istədiyimiz vəziyyətdə deyil”.
Qurbanov yetirmələrinin daha diqqətli olmalarının vacibliyini vurğulayıb: “Bu oyunu yaddan çıxarmaq, qarşıdakı oyuna hazırlaşmaq lazımdı. Qarşıdakı oyunlarda çox diqqətli olmalıyıq. İki qol vurduqdan sonra bir qol buraxdıq. Futbolçular qələbəyə sevinməklə yanaşı, həm də düşünməlidilər”.
