Ölkəmizi Avrokuboklarda təmsil edən "Qarabağ" yeni futbolçu transfer edib.
Korner.az-ın məlumatına görə, klubun baş məşqçisi Qurban Qurbanov İnnosent Emeqaranın transferindən danışıb.
Təcrübəli mütəxəssis bunları deyib:
"Emeqara Avropa Liqasında bizə kömək edə bilməyəcək. Çünki qrup mərhələsi artıq başlayıb. O, yalnız pley-offa çıxacağımız halda, həmin görüşərdə iştirak edə bilər. Bu futbolçu ilə dekabrın sonunadək müqavilə bağlayacağıq. Əgər bu müddət ərzində özünü yaxşı tərəfdən göstərə bilsə, müqavilənin müddətinin artırılması istisna deyil. Çumbinyo ilə Danilo Diasın zədəli olduğunu nəzərə alsaq, bu transferə ehtiyacımız var idi. Onun bacarığına şübhəm yoxdu. Baxmayaraq ki, hər yeni futbolçu üçün müəyyən vaxta ehtiyac lazım gəlir. Çempionatdakı fasilənin onun uyğunlaşmasına kömək edəcəyini düşünürəm".
azerisport.com
