”Xəzər Lənkəran”ı qələbə münasibəti ilə təbrik edirəm. Təbii ki, biz də qalib gəlmək istəyirdik. Futbolçular verilən tapşırıqları yerinə yetirməyə çalışdılar, onlara iradım yoxdur. Komanda 90 dəqiqə ərzində gücünü düzgün bölə bilmədi. 3-4 turdan sonra futbolçuların lazımi formada olacağını düşünürəm. Rəqibi Antalyada da izləmişdim, oyun üslubunda fərq yoxdur. Standart vəziyyətlərdə Skarlatakenin təhlükəli olduğunu bilirdik, amma öz qolunu vurdu. Hər iki hissəyə pis başladıq. Rəqib nəticə üçün hər şey etdi, qələbə qazandı. Təcrübəli futbolçulardan təşkil olunmuş komandadır. Komandamızın bir futbolçudan asılı olduğunu düşünmürəm. Bir neçə futbolçunun olmaması oyun sisteminə təsir edir”.
Korner.az-ın məlumatına görə, bu fikirləri “Xəzər Lənkəran”la oyundan sonra “Qarabağ”ın baş məşqçisi Qurban Qurbanov səsələndirib.
Qeyd edək ki, oyun 1:0 hesabı ilə “ağ-yaşıllar”ın xeyrinə bitib.
