“Mustafa Denizli özünü yaxşı hiss etmədiyi üçün xəstəxanaya yerləşdirilib. Çox çətin rəqibə, həm də çempionatın liderinə qarşı oynadıq. Bu cür oyunda qalib gəlmək çətindi. Çox dəyərli məşqçi ilə çalışırıq. Mənim vasitəmlə bütün tapşırıqlarını futbolçulara çatdırdı. Oyunçuları təbrik edirəm, fədakar oyun göstərdilər. Turnir cədvəlində bizdən irəlidə gedən komandalara çatmaq üçün bu cür oyunlarda qalib gəlməliyik. Skarlatake dayaq yarımmüdafiəçisi kimi çox yaxşı oynadı, razı qaldıq. İlk 11-liyi Mustafa Denizli müəyyənləşdirmişdi. Cismən burada olmasa da, mənəvi cəhətdən bizim yanımızda idi. Tam hazır olduğumuzu deyə bilmərəm, amma hər oyunda daha da yaxşı olacağımıza inanıram”.
Korner.az-ın məlumatına görə, bu fikirləri “Qarabağ”la oyundan sonra “Xəzər Lənkəran”ın məşqçisi Oğuz Çətin səsələndirib.
Qeyd edək ki, Mustafa Dənizli xəstə olduğu üçün komandanı oyuna o çıxarıb.