Məlum oduğu kimi "Qarabağ" bugün Çempionlar Liqasının II təsnifat mərhələsində "Valletta" klubu ilə qarşılaşıb və 0-1 hesabı ilə qələbə qazanıb.
Korner.az-ın "Qarabağ" klubunun rəsmi saytına istinadən verdiyi məlumata görə komandanın baş məşqçisi Qurban Qurbanov oyun sonrası fikirlərini bölüşüb:
" Gördüyünüz kimi asan oyun olmadı. Maltalılar 90 dəqiqə görsətdi ki, hər an qol vurmağa qadirdi. Bir neçə qol imkanımız olsa da, minimal hesablı qələbə qazandıq. Amma bu bizim növbəti mərhələyə keçməyimiz anlamına gəlmir. Bakıda maltalıların vuracağı qol hesabın bərabərləşməsi deməkdi. Artıq bu oyunu unudub cavab görüşünü fikirləşmək lazımdı. Bakıda bizi heç də asan olmayan oyun gözləyir. Oyuna gəlib, 3rəngli bayrağımızı tribunada açan azsaylı azarkeşlərimizə də verdiyi dəstəyə görə təşəkkür edirəm".
