“Sent-Etyen”lə oyunun çətin olacağını bilirdik. Çünki, qrupdan çıxmaq şansımız böyük ölçüdə bu oyundan asılı idi. Futbolçuların hazırlığı, komandadakı əhval-ruhiyyə yaxşı nəticə qazanmağa kömək etdi”.
Korner.az-ın məlumatına əsasən, bu sözləri Qol.Az-a açıqlamasında “Qarabağ” klubunun direktoru Əmrah Çəlikəl Avroliqanınqrup mərhələsində “Sent Etyen”lə səfər matçı (1:1) haqda danışarkən deyib.
Klub rəsmisi “Qarabağ”ın Fransadan sərfəli nəticə ilə dönəcəyinə inandığı bildirib: “Vüqar Nadirovun qoluna çox sevindik. Arxayınlığa görə rəqibdən qol buraxdıq. Matç zamanı sona qədər diqqətli olmağımız vacibdir. Ani arxayınlıq yekun nəticəyə çox pis formada təsir edə bilər.İndi diqqətimizi yenidən Azərbaycan çempionatına yönəltməliyik. Yalnız vaxtı gələndə İtaliyanın “İnter” klubu haqda düşünəcəyik. Azərbaycan çempionatda lider olmağımız bizi sevindirir. Həm hər iki cəbhədə sona qədər mübarizə aparmalıyıq.
Ə. Çəlikəl “Qarabağ”ın Avroliqanın qrup mərhələsinin son turunda İtaliya “İnter”i ilə qarşılaşacağı həlledici oyun haqda da fikirlərini bildirib: “Biz hər zaman olduğu kimi futbolçularımıza, məşqçilərimizə inanırıq. Bu oyunda hamımız bir olmalıyıq. Azarkeşlərin güclü dəstəyinə ehtiyacımız olacaq. Qrupdakı son matç Azərbaycan futbolu üçün çox vacibdir. Biz məsuliyyəti dərk edirik və bu çətin görüşə hazır olacayıq. Birlikdə bu mərhələni keçməyə çalışacayıq. Klub olaraq “İnter”lə matçın yüksək səviyyədə keçirilməsi üçün təşkilatçılıq baxımından nə lazımdısa ediləcək”.
