Necəsən, Rövnəq Abdullayev? Eşitdim Lüksemburqa getmisən. Yəqin həmkarınla yanaşı baxmısan oyuna. Lüksemburqu ala biləcək sərvət sahibi adam, özünü necə hiss edirsən?
Əlini sıxdınmı lüksemburqlu həmkarının? Gözlərin hara baxırdı o anda, çox maraqlıdı. “Cırtdan”ın “pəzəvəng kimi adam”a sillə vurması çoxmu acıdı, Abdullayev? Təhqirdən pay götürdünmü barı?
Nə deyəcəksən Bakıya qayıdanda? Yenə “nə deyirsiz, qavalıyaq”mı deyib sual verəcəksən? “Qavala” demirik, Abdullayev, “qavalanın deyək” deyirəm daha…
Gedin turbanızı çəkin, marketoloqluq dəlləkliyini dədənizin rəsm qalereyasında eləyin, gedin. Futbol sizlik deyil, Abdullayev, Məmmədov, yarımcan futbolumuzu quyuladınız bu altı ildə, gedin bir az da dənizin dibində quyu qazın, dədənizi rektorluğa gətirməyin marketinq planını qurun…
Daha “Foqts niyə filankəsi çağırdı, filankəsi çağırmadı, niyə filankəsi oynatdı, bəhmənkəsi oynatmadı” suallarına əsəbiləşməyin yeri yoxdu. Onsuz da bu komanda onundu, Azərbaycanın deyil. Onsuz da siz çoxdan ipi vermisiz onun əlinə, istədiyi tərəfə fırladır, istədiyi qədər təhqir edir, aşağılayır. Sizsə zövq alırsız. Almasaz, o məxluq Lüksemburqda “kim deyir ki, lüksemburqlu futbolçular zəifdilər? Onlar Avropa oynayırlar, mənim futbolçularım Azərbaycanda” sözlərini deyəndə çəkib boğazını üzərdiz. Ki, ə, filankəsin oğlu “Teryer”, futbolçuların müqayisəsini aparanda, bir də özünü lüksemburqlu həmkarınla müqayisə elə – o nə qədər maaş alır, sən nə qədər alırsan.
Nemesin doğduğu demirmi Azərbaycan klubları futbolçularına verdikləri pulları azaltmalıdırlar? Bütün qərarlarına başüstə deyirsiz axı, buna da ikiəlli razılaşın və sonra "gəl, əvvəlcə səndən başlayaq" – deyin. Görün nə deyəcək…
Sonra özünüzü lüksemburqlu həmkarlarınızla müqayisə edin. Görün nə gündəsiz…
Şirkətinin qazdığı 2 metrlik boş quyular varmı, Abdullayev?
