“Qarabağ”la oyun çox çətin olacaq” – Rafinya
19.09.2018 , 16:12
“Avropa Liqasında keçirilən hər bir oyun kimi bu matç da çox çətin olacaq. Ancaq azarkeşlərimizin dəstəyi ilə işimiz asanlaşacaq”
Bu sözləri sabah Avropa Liqasının qrup mərhələsinin ilk turunda doğma meydanda “Qarabağ”ı qəbul edəcək “Sportinq”in yeni transferi Rafinya klubun telekanalına müsahibəsində deyib. Dünən ictimaiyyətə təqdim olunan braziliyalı futbolçu turnirdə finala qədər irəliləmək istədiklərini bildirib:
“Avropa kuboklarında oynamaq hər bir futbolçunun arzusudur. Meydana çıxanda bir az həyəcanlanlanacağımı bilirəm. Ancaq inanıram ki, tez də keçəcək. Finala qədər getmək və titulu qazanmaq üçün komandaya əlimdən gələn köməyi edəcəyəm. ”
Qeyd edək ki, sentyabrın 20-də keçiriləcək “Sportinq” – “Qarabağ” oyunu Bakı vaxtı ilə 23:00-da başlayacaq.
