“Qarabağ” klubunun vəkili Qürur Qayə Günal Türkiyə mətbuatına Ağdam klubu ilə bağlı açıqlamalar verib.
Korner.az xəbər verir ki, azərbaycanlı azarkeşlərin yaxından tanıdığı türk vəkil UEFA Avropa Liqasında “Qarabağ”ı müdafiə etmişdi. Qayə Günal “İnter”lə matçdakı haqsızlıqla bağlı və hüquqi proses barədə danışıb.
O bildirib ki, UEFA-ya şikayət ərizəsi göndərdikdən sonra araşdırmaların başlanması özü bir uğur idi. Vəkil hakim qərarlarına qarşı etirazlara münasibətin dəyişdiyini söyləyib.
Qayə Günalın sözlərinə görə, matçın son dəqiqələrində vurulan 100%-lıq qolun hesaba alınmaması çex hakim Zelinka Miroslavın səhvi ucbatından baş verib.
Qələbə qazanacağı təqdirdə “Qarabağ”ın növbəti tura adlayacağını xatırladan vəkil, hakimin səhvinin bağışlanılmaz olduğunu qeyd edib.
