“Qarabağ”ın oyununun biletləri satışda

Çempionlar Liqasının pley-off mərhələsində keçiriləcək “Qarabağ” – “Kopenhagen” matçının biletləri artıq satışdadır.

Biletlər bu gün saat 10:00-dan etibarən satışa çıxarılıb.

Artıq indidən azarkeşlər tərəfindən oyuna böyük marağın olduğunu demək olar. Kassaların qarşısında uzun növbə yaranıb. Biletlərin satışa çıxdığı cəmi iki saat olsa da, kassaların önündə böyük azarkeş sıxlığı var.

Avqustun 15-də keçiriləcək “Qarabağ” – “Kopenhagen” matçı saat 20:00-da başlayacaq.