“Qarabağ”dan azarkeşlərə müraciət
05.09.2022 , 14:43
“Qarabağ” Avropa Liqası qrup mərhələsinin ilk oyununda komandanı stadionda dəstəkləmək istəyən azarkeşlərə müraciət edib.
Korner.az xəbər verir ki, “Frayburq” (Almaniya) – “Qarabağ” matçını izləmək və Ağdam təmsilçisini dəstəkləmək istəyənlər oyun günü “Wolfswinkel” stadionunda (Europa-Park Stadion) azarkeşlər üçün ayrılmış E-4 sektorunun giriş qapısından saat 19:00-dan 21:00-dək bilet ala bilərlər. Biletlərin qiyməti 29 avrodur.
Ödəniş yalnız nağd şəkildə qəbul ediləcək.
“Frayburq” – “Qarabağ” oyunu sentyabrın 8-də 21:00-da (Bakı vaxtı ilə 23:00) keçiriləcək.
