“Qarabağ” Avstriyadakı hazırlıqlarını davam etdirir.
Korner.az-ın klubun rəsmi saytına istinadən verdiyi məlumata görə, Zalsburq şəhərindən 60 km aralıda yerləşən Kössen qəsəbəsində təlim-məşq toplanışını davam etdirən klubun proqramında bugün 2 məşq vardı.
“Şaxtyor”la qarşılaşan komanda səhər çalışmasına yeri vaxtla 10:30-da (Bakı vaxtıyla 13:30) yollandı. Daha doğrusu oteli tərk etməyən klub heyəti trenajor zalına hərəkət etdi. 2 qrup halında məşq edən komanda ümumilikdə 90 dəqiqə ərzində salonda çalışdı.
Günün 2-ci məşqinə isə futbolçular meydançaya yollandı. Yerli vaxtla 17:30-da məşqə başlayan komandanın məşqi saat yarım davam edib. İsinmə hərəkətlərinin ardından toplu çalşmalar yerinə yetirilib. Kapitan Rəşad Sadıqov yenə də fizioterapevt nəzarətində çalışıb.
