“Qarabağ” daha iki futbolçusu ilə yolları ayırdı

“Qarabağ” klubu Leroy Corc, Muarem Muarem, Vüqar Nadirov və Admir Telidən sonra daha iki futbolçu ilə yolları ayırıb.

Korner.az-ın klubun saytına istinadən yaydığı xəbərə görə, yarımmüdafiəçi Hacı Əhmədov və hücumçu Tural İsgəndərovun başa çatan müqaviləsi yenilənməyib.

Qeyd edək ki, hər iki futbolçu Ağdam təmsilçisində əsas heyətə düşə bilmirdi.