“Qarabağ” istirahətə buraxıldı.
Korner.az-ın məlumatına görə, Topaz Premyer Liqasının XVIII turunda “Xəzər-Lənkəran”ı 1:0 hesabı ilə məğlub edən komandanın baş məşqçisi Qurban Qurbanov oyun ertəsi futbolçularla görüşüb.
Təcrübəli çalışdırıcı Ağdam klubuna qış fasiləsindən yaxşı yararlanmağı və geri döndükdən sonra yaxşı vəziyyətdə olmağın vacibliyini vurğulayıb. “Qarabağ” birdə 2013-cü ilin Yanvarın 9-u bir araya gələcək və təlim-məşq toplanışı üçün birbaşa Antalyaya yollanacaq. Fevralın 3-nə qədər davam edəcək toplanış zamanı komanda, Bələkdə “İC Santai” otelində məskunlaşacaq.
Qeyd edək ki, “Qarabağ” 31 xalla turnir cədvəlinin 3-ci pilləsində qərarlaşıb.
