“Qarabağ” 42 günlük həsrətə son qoydu

Ağdamın “Qarabağ” klubu uğursuz oyunlar seriyasına son qoyub. Son 5 matçda qələbə qazana bilməyən Qurban Qurbanovun yetirmələri bu seriyanı Topaz Premyer Liqasının XII turunun AZAL-la qarşılaşmasında qırıb.

Korner.az-ın məlumatına görə, 2:0 hesabı ilə qalib gələn ağdamlılar 42 gündən sonra 3 xal qazanıb. Ağdam təmsilçisi sonuncu dəfə 6 həftə əvvəl – sentyabrın 23-də səfərdə “Turan”ı 1:0 hesabı ilə məğlub etmişdi. Bu müddətdə “Qarabağ” ardıcıl 3 heç-heçə edib, son 2 görüşdə isəməğlub olmuşdu.