“Hakim mənə qarşı haqsızlıq etmədi. Amma həmin epizodda sarı vərəqə də göstərmək olardı”.
Bu sözləri Korner.az-a açıqlamasında ötən tur “Bakı”yla oyunda qırmızı vərəqə alaraq 2 oyunluq cəzalandırılan “Qarabağ”ın müdafiəçisi Qara Qarayev deyib.
Cəza səbəbilə “Xəzər Lənkəran”la bu gün keçiriləcək qarşılaşmada iştirak edə bilməməsindən məyus olduğunu qeyd edən Qara, komandasının qələbə qazanacağına ümid etdiyini bildirib. Gənc müdafiəçi ona təklif göndərən Xarkov “Metallist”inə rədd cavabı verməsinə də aydınlıq gətirib:
“Mənə “Metallist”dən başqa, heç bir klubdan təklif almamışam. Ukraynalılar məni baxışa çağırırdılar. Buna görə də getmədim. Transfer etmək istəyirlərsə, buyurub rəsmi şəkildə müraciət etsinlər”.
