“Qrupumuzun liderinə qarşı oynayacağıq. Lakin rəqibimiz final mərhələsinə vəsiqəni təmin etməyib. Məhz buna görə də, Azərbaycanla oyun İtaliya üçün çox önəmlidi.”
Korner.az-ın məlumatına görə, bu sözlər milli komandamızın futbolçusu Qara Qarayevə məxsusdur.
Qarayev Avro 2016-nın seçmə mərhələsində sabah Bakıda baş tutacaq İtaliya ilə oyunöncəsi UEFA-nın rəsmi saytına açıqlama verib. Qarayev rəqibin son illərdə daha güclü futbol oynadığını deyib:
“Əlbəttə, İtaliya milli komandası Bakıya qələbə üçün gəlib. Onlar qələbə qazanmaqla, sonuncu görüşə rahat çıxmaq niyyətindədilər. İtaliya milli komandası son zamanlar çox güclənib. ”
Qarayev həmçinin milli komandamızın oyunu barədə də danışıb: “Bizim üçün asan olmayacaq. Amma biz də, son zamanla yaxşı oyun nümayiş etdiririk. Bunu son 4 matçda föstərdiyimiz nəticələrlə də sübut etmişik. Bununla yanaşı doğma azarkeşlər önündə oynayacağıq. Olimpiya Stadionunda bizi möhtəşəm azarkeş dəstəyi gözləyir. Buna görə də, yaxşı nəticəyə ümid etməyə dəyər.”
Qara Qarayev milli komandamızın kapitanı Rəşad Sadıqovun milli komandadakı 100-cü oyunu bardəd də danışıb: “Rəşad həm millimizin həm də “Qarabağ”ın lideridir. Rəşadın yubileyoyununa çıxması hər şeydən xəbər verir. Arzu edirəm nəticə 150, 200 olsun.”
