Məlum olduğu kimi, “Əmrahbank” Türkiyənin “Qalatasaray” klubunun fankartlarını satışa çıxardığını rəsmən bəyan etmişdi.
Korner.az-ın məlumatına görə, indi hər şey tərsinə dönüb. “Qalatasaray” rəsmi olaraq belə bir danışığın olmadığını, hətta bu addıma görə Əmrahbankı məhkəmə verəcəklərini bildirib.
“Qalatasaray” Azərbaycan bankına xəbərdarlıq da göndərib. Bu gün yayılan məlumatlarda bankın artıq bu kartların satışını dayandırdığı deyilib. Hətta, rəsmi saytda press reliz yerində yerləşdirilən kart məlumatı belə silinib. Məsələ ilə bağlı “Əmrahbank”ın maliyyə şöbəsinin əməkdaşı Nəcəf Cəfərli isə tam fəqli danışıb:
“Bu məsələ mətbuat tərəfindən çox şişirdilib. Bizim belə bir kartımız olmayıb. Türkiyə mətbuatı məsələni tam fərqli şəkildə biruzə verib. Belə bir ideyamız var və bununla bağlı danışıqlar aparılır. “Qalatasaray” klubundan bizə hər hansı rəsmi xəbərdarlığın gəlməsi isə şayiədir”(fanatik)
Hər halda, görünən kəndə bələdçi lazım deyil. Fakt odur ki, bank belə bir aksiyaya başlamışdı və buna görə də peşman olub.
