“Qəbələ” və “Keşlə”nin baş məşqçiləri Pro kurslarında – FOTOLAR
21.02.2022 , 18:24
“Qəbələ” və “Keşlə”nin baş məşqçiləri Elmar Baxşıyevlə Sənan Qurbanov AFFA-nın təşkilatçılığı ilə UEFA-nın Pro kateqoriyalı məşqçi kurslarında iştirak edirlər.
Korner.az AFFA-nın saytına istinadən əbər verir ki, ilk gündə AFFA-nın Mətbuat və İctimaiyyətlə Əlaqələr şöbəsinin rəhbəri Firuz Abdulla “Sosial mediada ünsiyyət”, “Futbolun İnkişafı Fondu”nun (FİF) icraçı direktoru Tural Piriyev “Marketinq və komandanın idarə edilməsi” mövzusunda mühazirə oxuyublar.
Fevralın 22-dək davam edəcək kursda iştirakçılara AFFA-nın baş həkimi Vyaçeslav Xomenko “İdman tibbindəki yeniliklər və futbolçuların tez-tez rastlaşdıqları zədələr”, AFFA-nın Hakimlər Komitəsinin sədri Fritz Stuchlik isə “Oyun qaydaları, yeniliklər” və VAR protokolu ilə bağlı seminar keçəcək.
