Topaz Premyer Liqasının 36-cı turunda doğma meydanda “Sumqayıt”ı 3:1 hesabı ilə məğlub edən “Qəbələ” mövsümü bürünc medallarla başa vurub.
Korner.az oyundan sonra baş məşqçi fikirlərini sizə təqdim edir:
“Qəbələ”nin baş məşqçisi Yuri Syomin: “Bütün komandanı və klub üzvlərini qazanılan uğur münasibəti ilə təbrik edirəm. Rəhbərlik bizi pis vaxtlarımızda da, yaxşı çıxış edəndə də dəstəklədi. İsti hava şəraitində gərgin oyun keçdi. Qələbə yaxşı heç-heçədən daha uğurlu nəticədir”.
“Sumqayıt”ın baş məşqçisi Aqil Məmmədov: “Qəbələ” klubunu üçüncü yeri tutması münasibəti ilə təbrik edirəm. Bugünkü oyunda layiqli qələbə qazandılar. Maraqlı oyun oldu. Komanda qələbə qazanmaq və Premyer Liqada qalmaq üçün əlindən gələni etdi. Məğlub olmağımıza baxmayaraq, elitada yerimizi qoruya bildik. Komandaya təşəkkürümü bildirirəm. Azarkeşlərimizi daha da yaxşı oyunla sevindirməyə çalışacağıq”.
