Avropa Liqasının qrup mərhələsinin IV turunda keçiriləcək “Qəbələ” – “Sent-Etyen” (Fransa) oyununun biletləri satışa çıxarılıb.
Korner.az-ın klubun saytına istinadən yaydığı xəbərə görə, biletləri bu gün saat 15:00-dan etibarən Tofiq Bəhramov adına Respublika stadionunun (“Gənclik” metrosu yaxınlığı) və 8-ci km stadionunun kassalarından almaq olar.
Qiymətlər sektorlardan asılı olaraq, 2 manat və 5 manat, VİP sektorlar üçün isə 10 manatdır.
Qeyd edək ki, 8-ci km stadionunda keçiriləcək “Qəbələ” – “Sent-Etyen” oyunu noyabrın 3-ü saat 22:00-da başlayacaq.
