Həftəsonu Azərbaycan Premyer Liqasında V turun oyunları keçiriləcək.
Korner.az-ın klubun rəsmi saytına istinadən verdiyi məlumata görə, “Qəbələ” bu turda “Kəpəz”lə qarşılaşacaq.
Bu görüş komandalar arasında 7-ci duel kimi tarixə düşəcək. Sentyabrın 15-də Gəncədə baş tutacaq qarşılaşmayadək rəqiblər artıq 6 dəfə münasibətlərini ayırd edib.
– Bu qarşılaşma “Qəbələ”nin Fatih Kavlakın rəhbərliyi altında çıxdığı 25-ci Premyer Liqa oyunu olacaq. Əvvəlki 24 matçda 13 qələbəyə sevinən türkiyəli 5 dəfə heç-heçə görüb və cəmi 6 dəfə yetirmələri onu məyus edib. Bu oyunlarda top fərqi 37:21-dir.
– 6 oyunun hamısı Premyer Liqa çərçivəsində baş tutub. Bunların 4-ü 2010/11, 2-si 2011/12 mövsümündə baş tutub. Qarşılaşmaların 4-ü çempionatın təsnifat, 2-si “altılıq” mərhələsində keçirilib.
– Komandalar hərəyə 1 qələbə qazanıb, 4 dəfə isə heç-heçə ilə kifayətləniblər.
– “Qəbələ” “Kəpəz”lə oyunlarda 5 qol vurub 4-nü buraxıb.
– İlk oyunda “Kəpəz” “Gəncə” adı altında çıxış edib.
– Bu komandaların oyunlarında hələ ki, qonaqlar qalib gəlməyib.
– 4-cü dəfə Gəncənin qonağı olacaq “Qəbələ” səfərdə 2 heç-heçə edib və 1 dəfə məğlub olub. Topların fərqi isə 2:3-dür.
– “Kəpəz”lə oyunlarda “Qəbələ”nin 2 baş məşqçisi olub. İlk 5 oyunda Toni Adams 1 qələbə və 4 heç-heçəyə nail olub (top fərqi 3:1). Fatih Kavlak isə “Kəpəz”lə yeganə dueldə 2:3 hesablı məğlubiyyətə üzülüb.
– “Kəpəz”lə oyunlarda 32 futbolçu “Qəbələ”nin formasını geyib.
– Bu oyunçulardan 10-u 2 mövsümdə – həm 2010/11, həm də 2011/12 mövsümündə gəncəlilərə qarşı oynayıb.
– 5 oyunçu – Pavel Doroşev, Lyubo Baranin, Stiv Olfers, Abdulkader Kamara və Arif İsayev hamıdan çox – 5 dəfə “Kəpəz”lə matçlarda meydana çıxıb.
– Bu oyunçulardan ikisi – Baraninlə Olfers daha çox – 450 dəqiqə meydanda olub.
– “Kəpəz”in qapısına vurulan 5 qolu ayrı-ayrı futbolçular vurub. Lyubo Baranin, Deon Barton, Murad Hüseynov, Luiz Hilario və Yannik Kamanan gəncəlilərlə qarşılaşmada fərqləniblər
– Komandanın “Kəpəz”lə oyunlarda buraxdığı 4 qoldan 3-nü Qrem Smit, 1-ni Pavel Doroşev buraxıb.
– “Qəbələ”nin 3 oyunçusu “Kəpəz”lə matçlarda meydandan qovulub. Bunlar Deon Barton, Bruno da Silva, Pavel Doroşevdir.
– Bruno 2-ci sarı vərəqəyə görə meydanı tərk edib. Doroşevlə Barton isə birbaşa qırmızı vərəqə alıblar.
– Qırmızıya çevrilən sarıları nəzərə almasaq “Kəpəz”lə oyunlarda 9 futbolçu 13 xəbərdarlıq alıb: Qoqa Beraya – 3, Stiv Olfers, Deon Barton – 2, Lyubo Baranin, Abdulkader Kamara, Nodar Məmmədov, Saşa Yunisoğlu, Mahir Şükürov, Veselko Trivunovic – 1.
Bütün oyunlar
2010/11 31.10.2010 Premyer Liqa Gəncə – Qəbələ 0:0
2010/11 27.02.2011 Premyer Liqa Qəbələ – Gəncə 0:0
2010/11 02.04.2011 Premyer Liqa Qəbələ – Gəncə 1:1
2010/11 12.05.2011 Premyer Liqa Gəncə – Qəbələ 0:0
2011/12 16.10.2011 Premyer Liqa Qəbələ – Kəpəz (Gəncə) 2:0
2011/12 07.03.2012 Premyer Liqa Kəpəz (Gəncə) – Qəbələ 3:2
![](https://korner.az/wp-content/uploads/2018/06/korner-logo.png)