“Səni unutmayacağıq, Eldəniz müəllim”
Ötən həftə dünyasını dəyişən “Qəbələ”nin U-17 komandasının məşqçisi Eldəniz Süleymanovun xatirəsi U-17 Liqasının V turunda – “Qəbələ” – AZAL matçından öncə yad edilib.
Korner.az-ın məlumatına görə, hər zaman meydançaya Eldəniz Süleymanovun tapşırıqları və bilavasitə dəstəyi ilə çıxan komandası bu dəfə ot örtüyünə əllərində “Səni unutmayacağıq, Eldəniz müəllim” yazılı bannerlə çıxıb.
Oyunun start fitindən öncə isə mərhumun xatirəsi bir dəqiqəlik sükutla yad edilib. Gərgin mübarizə şəraitində keçən matç 2:2 hesabilə yekunlaşıb. 5 turdan sonra “Qəbələ” 13 xalla turnir cədvəlinə başçılıq edir.
