"Komandamız ötən ilkindən daha yaxşıdır. Yeni futbolçular gücümüzü artırıb. Azarkeşlər Leonit Abaziti yaxşı tanıyır. O, Albaniyada öz yaşında transfer bazarında ən yaxşı oyunçu sayılır. Azərbaycana səfərimiz öncəsi komandaya digər futbolçu da qoşulacaq".
Korner.az-ın məlumatına görə, bu sözləri “Neftçi”nin Çempionlar Liqasında rəqibi olan Albaniyanın “Skenderbeu” klubunun prezidenti Adrian Takay deyib.
Korçe klubunun başçısı "Növbəti mərhələyə keçmək şansınız nə qədərdir?" – sualını belə cavablandırıb:
"Fikrimcə, çox güman 50-nin 50-yə. Bu, o deməkdir ki, rəqib bizi az da olsa üstələyir. Bakıya gözəl futbol oynamağa gedəcəyik. Ehtiyatlı olacağam. Rəqibə yuxarıdan-aşağı baxmaq yetərincə təhlükəlidir. Heç kim məğlubedilməz deyil. Fikrimcə, bəxtimiz gətirsə, Bakıda müsbət nəticə əldə edə bilərik. ".