Türkiyə Qolf Federasiyasının prezidenti Əhmət Ağaoğlu ilə "Cihan" xəbər agentliyinin müxbiri arasında münaqişə yaşanıb.
Korner.az-ın məlumatına görə, Türkiyədəki ilk peşəkar qolf turnirin açılış günündə daha yaxşı şəkillər əldə etmək üçün özünü irəli atan jurnalistə hirslənən prezident ona kəllə atıb.
"Jurnalistlərə dəfələrlə güvənlik xəttini keçməmək mövzusunda xəbərdarlıq etmişəm. Onu da dəfələrlə xəbərdar etməyimə baxmayaraq durub ən təhlükəli nöqtədə, topun çıxış nöqtəsində şəkil çəkir. Bu isə insan həyatı üçün təhlükədir"-deyə prezident etirazını dili gətirib.