Avropa Liqasında uğursuz çıxış edərək, üç futbolçusu ilə yollarını ayıran "Xəzər Lənkəran"ın düşərgəsinə yeni futbolçu qoşulub. Korner.az-ın məlumatına görə, Kamran Ağayevlə yollarını ayıran Cənub təmsilçisi Slovakiya millisinin üzvü Marian Kellonu komandanın düşərgəsinə dəvət edib.
"Ağ-yaşıllar"ın baş məşqçisi Yunis Hüseynov son 4 mövsümü Şotlandiya Premyer Liqasında, "Harts"ın heyətində keçirən qapıçını sınayır. Kello 2011-ci ildə Premyer Liqada fevralın ən yaxşısı seçilib, 2010/11 mövsümünün isə “ən yaxşı qurtarışı” nominasiyasında qalib olub.
Qeyd edək ki, ötən il Slovakiya yığmasında debüt edən qolkiper millidə 3 oyun keçirib.