“Portu”ya yollanan futbolçumuzun səbirsizliklə gözlədiyi gün

Futbol üzrə 17 yaşlılardan ibarət Azərbaycan yığmasının və “Sumqayıt”ın hücumçusu Orxan Əliyevin Portuqaliyanın “Porto” klubunda baxışda olması haqda xəbər vermişdik.

Korner.az-ın məlumatına görə, artıq futbolçu əvəzedici heyətdə məşqlərə başlayıb. 

Klubun mətbuat xidmətinin rəhbəri Rəşad Məmmədov saytımıza verdiyi açıqlamada Orxanın noyabrın 12-sində artıq "Portu"nun əsas heyətində məşq edəcəyini bildirib.

Qeyd edək ki, Orxan Əliyev cari mövsümdə “Sumqayıt” FK-nun heyətində Premyer Liqada 8 qarşılaşmada (486 dəqiqə) forma geyinib və rəqib qapılarından 2 top keçirib. O, ötən mövsüm isə 5 qolla komandanın Premyer Liqada ən sərrast futbolçusu seçilib.