“Bakı” ilə oyun bərabər səviyyədə keçdi. Baxmayaraq ki, bu qarşılaşmada əsas heyətimizin 4-5 futbolçusu çıxış etmirdi. Nəticəyə gəlincə, sadəcə bəxtimiz gətirmədi”.
Korner.az-ın məlumatına görə, bu sözləri “Neftçi”nin hollandiyalı futbolçusu Melvin Platye deyib.
Paytaxt klubuna transfer olunduğu 7 ayda Premyer Liqada oyundan qol vurmayan, yalnız penaltidən fərqlənən hücumçu XXI turun “Bakı” ilə görüşü haqda fikirlərini açıqlayıb. Klubun rəsmi saytına danışan Platye bəxtsizlikdən gileylənib: “Elə təkcə mənim bu matçda bir neçə dəfə qol vurmaq imkanım oldu. Təəssüf ki, bu vəziyyətlərdə yararlana bilmədim. Rəqib isə əksinə, əlinə düşən fürsətlərdən maksimum istifadə etdi. Əlbəttə, heç kim istəməzdi ki, belə olsun. Həmin vəziyyətləri boşa verməsəydim nəticə fərqli ola bilərdi. Bu səbəbdən də azarkeşlərimizdən üzr istəyirəm. Başa düşürəm ki, hücumçu kimi vəzifəm qol vurmaqdır və gələcək oyunlarda bu uğursuzluğu unutduracağam. Bizi yalnız qızıl medallar qane edir. Çempionluq üçün əlimizdən gələni edəcəyik. İnanıram ki, azarkeşlərimizin də dəstəyi ilə bunun öhdəsindən gələ biləcəyik. “İnter”lə oyunda da sadiq “Neftçi” azarkeşlərini stadiona dəvət edirik”.
