Topaz Premyer Liqasının 30-cu turunda sabah “Kəpəz”in qonağı olacaq “Rəvan” bu gün səhər məşqi ilə oyuna hazırlığı başa vurub.
Korner.az-ın klubun saytına istinadən verdiyi məlumata görə,baş məşqçi Ramil Əliyev təxminən bir saatlıq məşqdə futbolçularının topu özündə saxlaya bilməsi üzərində xüsusi dayanıb. Eyni zamanda qısa ötürmələr və qapıya zərblər üzərində işləmək də yaddan çıxmayıb.
Qeyd edək ki, “Rəvan” bu oyuna itkilərlə çıxacaq. “Sumqayıt”la son oyunda Orxan Lalayev və Samuel Barlay ikinci sarı vərəqələrini aldıqları , Miloş Adamoviç də sarı vərəqə limitini dolduraraq cəzalı duruma düşdüyü üçün sabahkı oyunda iştirak edə bilməyəcək. Nikolay Orlovskinin ayağından hələ də ağrılar hiss etdiyinə görə, çox güman ki, sabahkı oyunu buraxmalı olacaq.