“Real” Madriddən ayrılaraq “Arsenal”ın yolunu tutan türk əsilli alman futbolçu Məsut Özil ingilis klubuna transferi sonrasında ilk açıqlamalarını verib.
Korner.az-ın məlumatına görə, milli komandanın tərkibində Almaniyada olan və burada tibbi müayinədən keçən ulduz futbolçu, testlərin ardından transferlə bağlı qısa bir açıqlama verib.
Premyer Liqada oynayacağı üçün səbirsizləndiyini qeyd edən 24 yaşlı Məsut “Arsenal” kimi böyük kluba gəldiyi üçün xoşbəxt olduğunu söyləyib. O, “Real” azarkeşlərini də unutmayaraq şəsxi “facebook” səhifəsindən onlara vida mesajı yazıb: “Əziz azarkeşlər, 3 möhtəşəm il üçün hər birinizə təşəkkür edirəm. “Real”da keçirdiyim günlərin mənim üçün tayı-bərabəri yoxdu. Bəzən hadisələr bizdən asılı olmayaraq cərəyan edir”.
