“PSJ” klubu yay mövsümündə “Çelsi”nin iki aparıcı oyunçusunu – Eden Hazard və Oskarı almaq niyyətindədir.
Korner.az-ın məlumatına görə, Paris klubu hücum edən duet üçün xeyli pul xərcləməyi planlaşdırır.
Məsələn, “PSJ”nin braziliyalı havbek üçün 41,5 milyon avro ödəməyə hazır olduğu vurğulanır. Bir müddət öncə Fransa çempionunun hücumçusu Yoan Kabay Hazardı komandada görmək istədiyini bildirmişdi. Parislilərin digər oyunçusu Lukas Moura da həmyerlisi Oskarı “PSJ”də görməyə şad olacağını qeyd etmişdi: “Oskar çox yaxşı oyunçudur. Müasir futbolda nadir istedaddır. O, mükəmməl oyunçudur. Bizə belə bir futbolçu lazımdır”.
Qeyd edək ki, hər iki oyunçunun “Çelsi” ilə yaxın 3 il üçün müqaviləsi var. “PSJ” və “Çelsi” isə Çempionlar liqasının 1/4 finalında qarşı-qarşıya gələcəklər.