“Qələbəyə görə şadam. Biz bu gün ən çətin oyunlarımızdan birini keçirdik”.
Korner.az-ın məlumatına görə, bu sözləri “Xəzər Lənkəran” klubunun baş məşqçisi Oğuz Çətin Premyer Liqanın 10-cu turunda qalib gəldikləri “Sumqayıt”la oyundan (2:1) sonra keçirilən mətbuat konfransında deyib.
Türkiyəli mütəxəssis komandasının matçın sonlarına qədər təzyiq altında oynadığını bildirib:
“Gənc, mübarizə aparan, yaxşı hazırlanmış komandaya qarşı oynadıq. “Sumqayıt”ı təbrik etmək istəyirəm, yaxşı oynadılar. Bizim üstünlüyümüz odur ki, topla yaxşı davranırıq.
Bu gün eyni işləri həyata keçirə bilmədik. Mübarizə ön planda idi. Bundan məmnunam. Açığı, bu gün öz oyunumuzu sərgiləyə bilmədik. Biz topu özümüzdə yaxşı saxlaya bilmədiyimiz üçün rəqibin təzyiqi artırdı. Ona görə də son fitə qədər biz təzyiq altında çıxış etdik”.
