17 və 19 yaşadək qızlardan ibarət yığma komandalar arasında təşkil edilən Avropa çempionatının 2013/2014-cü il mövsümünün püşkü atılacaq.
Korner.az-ın AFFA-nın saytına istinadən yaydığı xəbərə görə, noyabrın 20-də İsveçrənin Nyon şəhərində baş tutacaq tədbirdə əvvəlcə U-17-nin rəqibləri bilinəcək. Püşaktma mərasimi Bakı vaxtı ilə saat 11:30-da keçiriləcək. Məlumat üçün qeyd edək ki, 44 komandanın mübarizə aparacağı çempionatın həlledici oyunu 2014-cü ildə İngiltərədə olacaq.
U-19-un rəqibləri isə həmin gün saat 13:15-də müəyyənləşəcək. 48 komandanın iştirak edəcəyi qitə birinciliyinin həlledici oyunu 2014-cü ilin iyulunda Norveçdə keçiriləcək.